थकाली सेवा समिति जापानले आफ्नो २१ औं बार्षिक साधारण सभा तथा थकालीहरुको महान चाड फागुपुर्णिमा  ”तोरन्ल्ह” एवं नेपाली नयाँ बर्ष २०६९ को उपलक्ष्यमा विविध साँस्कृतिक कार्यक्रम आयोजना गर्दै एघारौं महा-अधिबेशन भब्यताका साथ सम्पन्न गरेको छ ।

नेपाल देखी पाल्नु भएका लुम्बिनि भ्रमण बर्ष २०१२ को अबैतनिक दुत तथा सर्वोच सिखर सगरमाथा आरोहि एवं बयोवृद्ध गिनिज बिश्व रेकर्डर मिन बहादुर शेरचनको प्रमुख अतिथ्यमा आयोजित उत्त कार्यक्रमको बिशेष अतिथिमा वुईलभ नेपाल डटकमका प्रधान संपादक सोनाम शेर्पा र अर्का बिशेष अतिथि तमुधीं जापानका अध्यक्ष हर्क गुरुङ सहित अन्य अतिथिहरुमा नेपाल जापान डटकमका प्रधान संपादक शरद शेरचन, नेपाल जापान सास्कृतिक संघका अध्यक्ष बिनोद शेरचन र थसेस जापानका अग्रज नपेन्द्र भट्टचन र दिपक भट्टचनको पनि उपस्थिति रहेको थियो ।

पहिलो चरणको कार्यक्रममा प्रमुख अतिथि तथा सगरमाथा आरोहि बिश्व कृतिमान मिन बहादुर शेरचन लगायत बिशेष अतिथि र ड्यासमा आषण अतिथिहरुले सामुहिक रुपमा ब्यानर खोलेर उटघाट्न गर्नुभएको थियो । त्यसपश्चात थकाली पहिरणमा सज्जिएका थकाली महिलाहरु दिना गौचन, समी  शेरचन र चिजु भट्टचनले थकालीहरुको चार देवता र नरिझ्यवलाई पुजा अर्चना एवं खिमि झोजि (पृतु पुजा) गर्दै समुदघाटन कार्यक्रम सम्पन्न गरेका थिए ।

समितिका सह-कोषाध्यक्ष तथा खेलकुद संयोजक, दिपक गौचनले स्वागत भाषण एवं खेलकुद उप-समितिको बार्षिकि बिवरणहरु र समितिको उदेश्य, आवश्यकता, वर्तमान अबस्था सहित बिबिध क्रियाकलापहरुको बारेमा बोल्नुभएको थियो । त्यस पश्चात समितिका कोषाध्यक्ष बुद्धि गौचनले संस्थाले अति नै पारदर्शी रुपले ब्यबस्थित गर्दै आएको आब्यब्य प्रतिवेदन सरल, सुलभ र सहजै बुझ्ने तरिकाले प्रोजेक्टर सलाईड मार्फत प्रस्तुत गर्नु भएको थियो । त्यसैगरी वयब कमिटिका संयोजक शरद शेरचनले पनि आफ्नो उपसमितिको गतिबिधि प्रष्ट्याउनु हुदै २१ औं शताब्दिको बर्तमान कम्युटर जमानामा बिश्वलाई सानो गाउको रुपमा परिवर्तन बनाएको छ र हामि पनि उत्त आईति संसारको भरपुर उपयोग गर्दै संस्थाको गतिबिधि र हरेक कार्यक्रमहरु वेबसाईट मार्फत सार्वजनिक गरिएको र आम महानुभावहरुको संस्था प्रतिको सबैखालको प्रतिक्रियाहरुको लागि हार्दिक स्वागत गर्दछौं भन्दै प्रतिवेदन प्रस्तुत गर्नु भएको थियो । त्यसैगरी समितिका महा-सचिब अनिल भट्टचनले बिगत २ वर्षमा  नेपालको  लागि गरिएका आर्थिक सहयोग लगायत अन्य बिबिध सहयोग, जापानमै गत वर्ष दैवि प्रकोपमा २ पटक गरिएको आर्थिक सहयोग सहित भुकम्प तथा सुनामी एवं बिकिरण पिडित क्षेत्रमा आफु सहित ३ सदस्य प्रत्यक्ष सम्मिलित भई खाना खुवाउने कार्यमा संलग्न भएको कार्य प्रगति बिवरण लगायत अन्य दर्जनौं संस्थाको गतिबिधिहरु संक्षिप्त बिस्तृत ब्यहोरा सहित समितिको वार्षिक प्रतिवेदन स्वरुप पेश गर्नु भएको थियो । सभाहलबाट सम्पुर्ण प्रस्तुत प्रतिवेदन उपर निर्बिवाद रुपमा सर्वसम्मतिबाट तालिको गढगढका साथ पास भएको थियो ।

त्यसपश्चात, थसेस जापानको तर्फबाट बिभिन्न गतिबिधिमा आवश्यक सल्लाह, सुझाब र मार्गनिर्देशन गर्दै समितिको मान, मर्यादा र प्रतिस्ठा बढाउने कार्य गरेबापत सर्वोकृष्ट ब्यक्तित्वहरुलाई अध्यक्षद्धारा सम्मान पत्र र खादाअर्पण गरि सम्मान गरिएको थियो । जसमा अनलाईन पत्रकार सोनाम शेर्पा, समाजसेवी राजु हिराचन, समाजसेवी जापानीज मोचिजुकि कियोहिको, समितिका कोषाध्यक्ष बुद्धी गौचन र सल्लाहाकार नपेन्द्र भट्टचन हुनुहुन्थ्यो ।
त्यसैगरि बिश्वकै जेष्ठ नागरिकको रुपमा सबभन्दा अग्लो हिमचुलि सगरमाथा आरोहित तथा लुम्बिनी भ्रमण बर्ष २०१२ को अबैधानिक सदभावनादुत मिन बहादुर शेरचनलाई र गत मार्च १८ मा सम्पन्न २१ औं शुभकामना साँझको स्थानिय कलाकारहरु क्रमश: सन्तोषी गौचन, प्रमिला डंगोल (गौचन), सारदा भट्टचन, स्पोर्ट गौचन , सोनि भट्टचन, अपेक्क्षा लिम्वु र संजिमा शेरचनलाई पनि धन्यबाद सम्मान सहित खादाअर्पण गरिएको थियो । साथै थकाली समुदायका नवविवाहित जोडि,राजु शेरचन तथा समी शेरचन, बिश्वबिध्याल ग्य्राडज्युट बिध्यार्थी सन्तोषी गौचन एवं जापानमा नव आगन्तुक चिजु भट्टचन र राजेन्द्र शेरचनलाई पनि संस्थाको तर्फबाट बढाई, स्वागत सम्मान गरिएको थियो ।
प्रमुख अतिथि तथा सगरमाथा आरोहित बिश्व कृतिमान जेष्ठ नागरिक मिन बहादुर शेरचनले आफ्नो मन्तब्यको क्रममा बि.स. १९८८ असार ६ गते म्याग्दी जिल्लामा जन्मिएर ७२ बर्षको उमेरमा नेपालको पुर्व मेची देखि पश्चिम महाकाली लगायतका ठाउमा पैदल यात्रा गरिसकेको र २००८ मे २५ तारिखका दिन ७६ बर्षको उमेरमा सफलतापुर्वक बिश्वको सर्वोच शिखर सगरमाथामा आरोहण गरेर बिश्वकै बयोबृद्ध नागरिकको रुपमा गिनिज वल्ड बुकमा रेकर्ड राख्न सफल भएको जानाकरि गराउनु भयो ।
साथै फेरि पनि २०१२ सालमा ८१ बर्षको उमेरमा पुन सगरमाथा चढेर नया कृतिमान कायम गर्ने योजना रहेको जानाकारि दिदै शेरचनले आफैले आफ्नै नया कृतिमान पुन कायम गर्ने र उत्त कृतिमान हाम्रो नेपालमै रहनु पर्छ भन्ने मान्यता र भावना रहेको ईच्छा जाहेर गर्नुभयो ।
त्यसको निमित्त बिदेशी कंम्पनीहरुले प्रस्ताव गरिरहेको भएता पनि त्यस्तो सोच नरहेको बताउदै म राष्ट्र बिकास र पर्यटन प्रवद्धनको लागि निरन्तर लागि परेको र म बिदेशी कम्पनीको नाममा नभई आफ्नै स्वदेशको नाममा बिश्वको सर्वोच्च शिखर आरोहण गर्न चाहान्छु त्यसको निमित्त केहि आर्थिक सहयोग नेपाल सरकारको तर्फबाट र नेपालमै संकलन भईसकेको बाकि केहि आर्थिक सहयोग रकम संकलनको लागि जापानबासि एनआरएन र बिभिन्न संघसंस्थालाई पनि हार्दिक अनुरोध गर्दछु मन्तब्यमा भन्नु भयो ।

अन्तमा पहिलो चरणको कार्यक्रमलाई सभापति तथा समितिका अध्यक्ष शरद कुमार गौचनले आफु थसेस जापानको स्थापना काल देखि हालसम्म निरन्तर २१ बर्ष निरन्तर क्रियाशिल रहेको र यस अबधिमा बटुलेका तिता मिठा अनुभव सहित थसेस जापानको ईतिहास लेख्न हरपल लागि पर्ने प्रतिबद्धता सहित आफ्नो २ बर्षे कार्यकालमा सहयोग गर्नु भएका सम्पुर्ण जापानबासी थकालीहरु र आफ्ना सहयात्रि टिमलाई समेत हार्दिक धन्यबाद दिदै बर्तमान कार्य समिति भंग गर्नु हुदै बन्दसत्रमा प्रवेश गराउनु भएको थियो ।

तत्पश्चात निर्वाचन कमिटिका संयोजक शरद शेरचन द्धारा घोषित थसेस जापानको आउदो कार्यकालको लागि पुन शरद कुमार गौचनकै अध्यक्षतामा ३३ नवनिर्बाचित नया कार्य समिति सर्वसहमतिबाट चयन गरिएको कुरा जानाकारि गराउनु भएको थियो, घोषित उपाध्यक्षहरुमा क्रमश: शशि गौचन, अनिल भट्टचन र दिपक गौचन,  महा-सचिबमा राजु शेरचन, सचिबमा हेमन्त कुमार शेरचन र सञ्जिब गौचन, कोषाध्यक्षमा बुद्धि गौचन, सह-कोषाध्यक्षमा लेनिन भट्टचन र घनश्याम भट्टचन रहनु भएको छ ।
त्यसैगरि सदस्यहरुमा, सादगि तुलाचन, सन्तोषी गौचन, धन शेरचन, यसोदा गौचन, हिक्मत गौचन, सुरज शेरचन, अरुण भट्टचन, जयकार शेरचन, बिकल भट्टचन, हिरा शेरचन, जिवन भट्टचन, बिज्ञान गौचन र सुमन गौचन निर्वाचित हुनु भएको छ ।
समितिको सल्लाहाकारहरुमा, बिनोद शेरचन, दिपक भट्टचन, प्रकाश तुलाचन, बुद्धि शेरचन, मनोज तुलाचन, बिजय गौचन र गोविन्द तुलाचन रहनु भएको छ भने, बिशेष सल्लाहाकारहरुमा ध्रुब भट्टचन, शरद शेरचन, नपेन्द्र भट्टचन सहित संरक्षकमा डा.योगेन तुलाचन यथावथ नै पद ग्रहण गर्नु भएको छ ।
नब निर्वाचित कार्य समितिका अध्यक्षलाई प्रमुख अतिथि मिन बहादुर शेरचनले खादार्पण गर्दै पदिय गोपनियता (सपथ ग्रहण) गराउनु भएको थियो भने नबनिर्वाचित अध्यक्षले आफ्नो सम्पुर्ण कार्यसमितिका सदस्यहरुलाई सपथ ग्रहण गराउनु भएको थियो ।

दोस्रो चरणको कार्यक्रममा बिविध सास्कृतिक कार्यक्रमको शुरुआत सँगै डिनर रिसेप्सन सहित राजु शेरचनको डिजे धमाकाले उपस्थिति सम्पुर्ण महानुभावहरुलाई अन्तसम्म नाचगान र भरिपुर मनोरञ्जन गराएको थियो ।
स्मरण रहोस्  सम्पुर्ण कार्यक्रमको संचालन उपाध्यक्ष अनिल भट्टचन र कार्यक्रमको ब्यबस्थापन पक्षको जिम्मा संयोजक लेनिन भट्टचन, सह-संयोजक घनश्याम भट्चन र सदस्य सञ्जिब गौचनले अति नै ब्यबस्थितका साथ तर्जुमा मिलाउनु भएको थियो र उत्त कार्यक्रम हामामाचुच्यो स्थित मन्दिर रेष्टुरेन्टमा बेलुकाको साँढे दश बजे समापन गरिएको थियो । (फोटो फिचर सहित )

हरेक साल मनाउदै आइरहेको शुभकामना साँझ यस पाली  चार जना नेपाल देखि आमन्त्रित कलाकारहरुको  प्रस्तुतीले गर्दा टोक्यो स्थित मेगुरो हलमा धमाका गरी सम्पन्न भएको छ  ।कार्यक्रमको मुख्य आकर्षण  मेरी बास्सैका जोडी धुर्मुस (सिताराम कट्टेल ) र सुन्तली (कुन्जना घिमिरे )ले दर्शकहरुलाई प्रहसन मार्फत पेट मिचिमिची  हाँस्न बाध्य बनाए ,आधुनिक गायक प्रमोद खरेलको भावुक गीतले दर्शकहरुलाई रुन समेत बनाएको माहोल थियो  भने अर्का पप गायक धिरज राईले दर्शकहरुलाई नाच्न बाध्य बनाएका दृश्य नै २१औं शुभकामना साँझ को सफलताको प्रतिक हो  भनेर सम्पूर्ण जापान स्थित मिडियाकर्मीले समेत सराहनीय गरेको पाएको समचारले थसेस जापान सम्पूर्ण दर्शक,मिडियाकर्मी ,प्रायोजक , प्रत्यक्ष तथा अप्रत्यक्ष सहयोग गर्ने महानुभावहरु प्रति धेरै धेरै धन्यवाद तथा आभार प्रकट गर्दछ  ।

सामुहिक राष्ट्रिय गानबाट सुरु भएको सो कार्यक्रम थकाली भेषभूषा पनि आकर्षणको केन्द्र बिन्दु  रह्यो – मनोरन्जनात्मक कार्यक्रम अन्तर्गत पहिलो थकाली गीत सैम ढैम यस मा सन्तोषी गौचन,प्रमिला गौचन (डंगोल),सारदा भट्टचन ,सोनी भट्टचन ,स्पोर्ट गौचन तथा अपेक्षा लिम्बु ले सामुहिक नाच गरेका थिए भने  मखमली चोलो चाहिदैन  र  गौरी खेतको सिरै हान्यो  भन्ने गीतको बोलमा क्रमस संजिमा शेरचन र  अपेक्षा लिम्बु को नाचलाई पनि दर्शकहरुले खुब मनपराएको थिए  ।

कार्यक्रममा सुन्तलीको नाच पनि अर्को आकर्षण बन्न सफल भयो  । धुर्मुसले एमालेका प्रभावशाली नेता -के .पी शर्मा ओली को क्यारिकेचर मार्फत दर्शकलाई हँसाउनु सम्म हसाए त्यस्तै गरी गायक  प्रमोद खरेल ले -मेरो देश प्यारो नेपाल ,म बिना कसै कसैलाई ,मेरा आँखामा आँशु सुहाउछ,मलाई जसले पनि ,उसले जति माया तिमीलाई मैले पनि दिन्थे होला… जस्ता दर्जनौ चर्चित गीत गाएर दर्शकलाई कहिले भावुक बनाए त कहिले नचाए र अर्का गायक धिरज राई ले – तिम्रा नयन ,सोई ढोले सोई ,मुसुमुसु,सेक इट बेबी ,तिमी रुँदा ,मिसटिरीअस गर्ल,वन साइडेड लव ….लगायत  दर्जनौ गीत गाएर दर्शकलाई नचाउनु मात्र होइन अन्तिम सम्म  उफार्नु सम्म उफारेर यो २१औं शुभकामना साँझ निक्कै यादगार बनाएका थिए  ।

पहिलो चरणको औपचारिक कार्यक्रम थसेस जापानका महासचिव अनिल भट्टचन ज्यु ले संचालन गर्नु भएको थियो जसमा स्वागत मन्तब्य  सह -कोषाध्यक्ष दिपक गौचन ले  गरेका थिए  । कार्यक्रमको प्रमुख अतिथि जापानका लागि नेपाली राजदूत डा . मदन कुमार भट्टराई ,बिशेष अतिथि एनआरएन आइसीसीका कोषाध्यक्ष  भवन भट्ट र थसेस जापानका संरक्षक डा . योगेन तुलाचन ज्यूहरुले थकाली जातिको परम्परागत खेल- धनुष बाण हानेर २१औं शुभकामना  साँझको  कार्यक्रम संयुक्तरुपमा उद्घाटन गर्नु भएका थिए   । साथै  एनआरएन जापानका अध्यक्ष  ओम गुरुङ ज्युले थकाली जातिको चार देउताको पूजा आर्चना गरी कार्यक्रम बिधिवत रूपमा  सुरुवात गरेका थिए   ।  कार्यक्रम संयोजक राजु शेरचन ज्यु ले प्रायोजकहरुलाई प्रमाण पत्र तथा खादार्पण लगाएर सम्मान गर्नुभएको थिए भने अतिथि कलाकारहरुलाई थसेस जापानका अध्यक्ष शरद कुमार गौचन  ज्यु ले फूलको गुच्छा र खादार्पण गरेर स्वागत गर्नु भएका थिए  ।

धुर्मुस र सुन्तलीको जोडीले असल नागरिक प्रहसन मार्फत शान्ति र संविधान बनाउने कार्यमा भैरहेको विलम्ब प्रति देशका नेताहरुलाई  सत्ता बचाउने  अनि  भत्ता पचाउने  फोहोरी खेलमा नलाग है भन्दै कडा ब्यङ्ग प्रहार गरेका थिए जसको फलस्वरूप दर्शकदीर्घ  बाट तालीको गडगडाहट  निक्कै आएको थियो  । कार्यक्रमको दोस्रो चरण –  मनोरन्जनात्मक  कार्यक्रम समाजका सह-कोषाध्यक्ष  दिपक गौचन र उप-संयोजक सन्तोषी गौचन ले संचालन गरेका थिए  ।

थसेस जापानका अध्यक्ष शरद कुमार गौचन ज्यु ले धन्यवाद मन्तब्य दिने क्रममा -विदेशी भूमिमा भए पनि आफ्नो  भाषा ,कला -संस्कृति ,भेषभुषा एवं परम्परालाई जगेर्ना गर्नुका साथै देशको गहना कलाकारहरुलाई यहाँ निम्त्याई  आफ्नो देशको  चिनारी बढाउनु एवं पर्यटन प्रवर्द्धनमा टेवा पुराउन थसेस जापान सदैव प्रयास गरिने रहनेछ भन्दै प्रतिबद्धता जाहेर गर्नु भएका थिए साथै लुम्बिनी भ्रमण बर्ष को समेत सन्दर्भमा आयोजित यस कार्यक्रममा लुम्बिनी बारे थोरै भए पनि जानकारी दिन सकियोस हाम्रो लक्ष्य रहेको र यसकार्यक्रमलाई सफल पार्न  विभिन्न ढंगले सहयोग गर्नु हुने सम्पूर्ण मिडियाकर्मी ,प्रायोजक , दर्शक लगायत समाजका पदाधिकारी हरुलाई हार्दिक हार्दिक धन्यवाद दिदै  कार्यक्रम समापन गर्नु भएका  थिए  । (फोटो फिचर सहित )

शरद कुमार गौचन
अध्यक्ष
एनपिओ होजिन, थकाली सेवा समिति जापान परिवार

मुस्ताङ जिल्लाको थाकखोला क्षेत्रस्थित खन्तीमा जन्मनुभई हाल काठमाडौंमा बसोबास गर्दै आउनुभएका स्व. भट्टचन जापानको १७ बर्षे लामो बसाईलाई बिट् मार्दै अघिल्लो बर्ष नेपाल फ़र्कनुभएको थियो । नेपाल फर्केको १५ महिनापछि उहाँको दुखद निधन भएको उहाँको पारिवारिक श्रोतले जनाएको छ । स्व. भट्टचनका श्रीमती २ छोरा र १ छोरी छन् ।

स्व. भट्टचनको दिवंगत आत्माको चिरशान्तिको कामना गर्दै श्रद्धाञ्जली अर्पण गर्न आज जापानमा रहनुभएका उहाँका दाजुभाई, आफन्तजन तथा इष्टमित्रहरु भेला भई थकाली सँस्कारअनुसार कावासाकीमा अवस्थित मन्दिरमा बत्ति बालिएको थियो ।

सरल, मृदुभाषी एवं सहयोगी स्वभावका स्वर्गीय भट्टचन जापानको नेपाली कम्युनिटीमा चिरपरिचित समाजसेवी ब्यक्तित्व हुनुहुन्थ्यो । उहाँको निधनबाट नेपाली समाज एवं थकाली समाजले एक परिपक्क्व, अनुभवी र लगनशील अभिभावक गुमाएको छ, उहाँप्रति श्रद्धासुमन, परिवाजनमा समवेदना ।

अध्यक्ष,
शरद कुमार गौचन
तथा
एनपिओ होजिन थकाली सेवा समिति जापान परिवार

गत आईतबार पौष १० गते थकाली समाज घर बालाजुमा थकाली सेवा समिति नेपाल केन्द्रिय समितिको साहित्य प्रबर्द्धन
विभागद्धारा आयोजित स्व. राष्ट्रिय कवि भूपि शेरचनको ७६ औ जन्म जयन्ती सौहार्द पूर्ण वातावरणमा सम्पन्न गरेको छ।
थसेस केन्द्रिय समितिका अध्यक्ष वसन्त शेरचन ज्यू को सभापतित्वमा सुसम्पन्न भएको उत्त कार्यक्रमको उद्घोषण
महासचिव जुनु गौचनद्धारा भूपि शेरचनको कविता उद्गार गर्दै शुरुवात गर्नु भएको थियो ।

कार्यक्रममा कोषाध्यक्ष कृष्ण शेरचनबाट बिशेष सहयोगीको भूमिका निवारण गर्नु हुदै श्री गणेशायनमः पानसमा बत्ति
बाली स्वः कवि भूपिको फोटोमा पुष्प गुच्छाले नेपाल प्रज्ञा प्रतिष्ठानका कुलपति श्री बैरागी काईलाद्धारा श्रद्धाञ्जली
अर्पण गर्नुभएको थियो । सोहि अवशरमा प्रमुख अतिथि काईला ज्यूले भूपि स्मृति पुस्तकालयको पनि समुद्घाटन्
गर्नु भएको थियो । मञ्चमा आसिन अन्य महानुभावहरुद्धारा पनि श्रद्धाञ्जली अर्पण गर्नुहुदै बिशेष अतिथि नेपाल
प्रज्ञा प्रतिष्ठानका सदस्य विष्णु प्रभात ज्यू प्राध्यापक डा‌. कृष्णहरि बराल ज्यू, प्राध्यापक डा. सुधा त्रिपाठी ज्यू
(गजलकार) वुध राणा ज्यू ले कवि भूपिको कृतित्व,व्यक्तित्व र कवि प्रति श्रदासुमन उद्गारहरु व्यक्त गर्नु भएको
थियो भने कवियत्री उषा शेरचन ज्यू ले छोटो मिठो मुक्तकले राष्ट्रिय कवि शेरचनको स्मरण गराउनु भएको थियो ।

यसै क्रममा नेपाली साहित्यिक क्षेत्रमा लगाव श्रष्टाहरु प्राध्यापक डा. कृष्ण हरि बराल , प्राध्यापक डा.सुधा त्रिपाठी ,
कवियत्री उषा शेरचन ,निवन्धकार रोशन शेरचन र उपन्यासकार मनिषा गौचन लाई सम्मान र प्रशंसापत्र प्रमुख
अतिथि श्री कुलपति बैरागी काईला ज्यू द्धारा हस्तान्तरण गर्नु भएको थियो । कार्यक्रममा कवि भूपि ज्यू को स्मरणमा
थकाली श्रस्टाहरु क्रमश नरेश कुमार तुलाचन ,मनिषा गौचन ,विपिन भट्टचन ,निशान्त शेरचन, हर्ष स्याङवो र स्वप्निल
ज्यूले आ-आफ्नो रचना वाचन गर्नु भएको थियो।हलुका जलपानको समेत ब्यबस्था गरिएको यस कार्यक्रमको अन्तमा
सभा अध्यक्ष बसन्त शेरचन ज्यू द्धारा कवि भूपि प्रति श्रदासुमन उद्गारहरु व्यक्त गर्दै कार्यक्रमलाई समापन गर्नु
भएको थियो।

कार्यक्रमका बिशिष्ट अतिथि एनआरएन जापानका अध्यक्ष ओम गुरूङले जनचेतना नै एड्स रोग निर्मुल पार्ने प्रमुख
माध्यम रहेको बताउनु हुदै चेतनामूलक कार्यक्रम गर्ने समाजसेवी गौचनको कार्यको प्रशंसा गर्नु भयो । कार्यक्रमको
पहिलो चरणमा”लक्ष्मी” नामक वास्ताविक घटनामा आधारित वृत्तचित्र प्रदर्शन गरिएको थियो । राष्ट्रिय डक्युमेन्ट्री
एवं फिल्म फेस्तिवल २०६५ मा जुरी अवार्ड तथा पोखरा अन्तर्राष्ट्रिय फिल्म फेष्टिवल २०६७ मा स्थानिय प्रोत्साहन
अवार्ड प्राप्त गरेको उक्त वृत्तचित्रले दर्शकहरूलाई भागविव्हल बनाएको थियो । समितिका सहकोषाध्यक्ष दिपक
गौचनको स्वागत मन्तव्यवाट सुरू भएको उक्त कार्यक्रमको सञ्चालन महासचिव अनिल भट्टचनले गर्नुभएको थियो
भने सम्पूर्ण सभाका सभापतित्व अध्यक्ष शरद कुमार गौचनले गर्नुभएको थियो ।
(फोटो फिचर सहित )